OCA

OCA

Yasa : Didih Setiadi

Pasosoré jalan-jalan ka kota, pajarkeun téh cuci mata cenah, ngajanteng sisi jalan niténan nu ngaliwat.

“ Din itu saha euy nu ngajanteng sorangan, meni demplon kitu?” Ceuk Muhdi bari nunjuk ka peuntaseun jalan, sisi taman kota.

“ Heu euh euy resep ku momplona déwék mah, yu ah urang sampeurkeun!” Tembal Udin laju ngajak nyampeurkeun.

Udin jeung Muhdi meuntas jalan nyampeurkeun kanu keur ngajanteng.

“ Néng sendiri aja, boléh kenalan ga?” Ceuk Muhdi nu pangheulana nepi, bari maké bahasa melayu, ngarah gaya cenah.

“ Boléh Mas!” Jawabna semu ngirung.

“ Nama saya Tédi!” Ceuk Muhdi bari ngasongkeun leungeun, ngahaja teu nyebut ngaran asli, géngsi cenah.

“ Ѐkeu Oca, Otong Cantik” Narima leungeun Muhdi bari uman-imen.

#SCS_FIKMIN_DS