HAPA
Sapuluh taun ngarumah tangga éstu genah tumaninah, rejeki
najan leutik tapi mirilik, pamajikan éstu euweuh cawadeunana, tumut tuhu kanu
jadi salaki.
Tapi mungguh manusa teu weléh boga rasa ka kurangan waé.
“Kumaha nya Kang, gening teu gaduh waé turunan?”
Ngasongkeun kopi laju diuk di gigireun.
“Nya kumaha atuh Nyi, pan geus di ihtiaran ka ditu ka dieu
“ Bari nyuruput kopi.
“ Nya sakali deui mah cobian pariksa ka Mantri Ohim, nyéépkeun
kapanasaran!” Pamajikan méré saran.
“Nya kin soré urang telepun” Nyatujuan saran pamajikan.
“Tah kitu wé Kang, ngan Mantrina sina langsung ka kandang
wé, naha bikangna tanapi si jalu nu
hapana” Pokna deui bari ngaléos ka dapur.
“Nya keun wé pasrahkeun ka Akang urusan éta mah” Bari
cengkat tina diuk laju ngaléos ka kandang domba kameumeut.
#SCS_FIKMIN _DS
Tidak ada komentar:
Posting Komentar