KABELEJOG

 KABELEJOG

Yasa :Didih Setiadi

Kring, sora sms, geuwat dibuka, “Janten Kang ketemuan téh?”Kitu eusi sms ti manéhna nu ngaku Ratna, bari jeung can apal saha jeung kumaha Ratna téh, “Siap, antos wé sa jam !”Pung sms di apungkeun,”Di antos, di pasar Lémbang palih kidul “Manéhna malesan deui.

Teu talangké, dius maké motor muru ka pasar Lémbang nu tadi geus di jangjikeun.

Motor dilaunan saeungeus nepi ka pasar, bari teu reureuh panon culang cileung ngarérétan nu ngajak panggih.

Reg, motor eureun hareupeun kios, ngahaja asup heula ka kios, meuli udud heula barijeung udud mah masih keneh aya réstan, ngan ngahaja wé ulah éra teuing cicing didinya, bari anger panon mah teu reureuh ngérérétan sakurilingna, nempoan nu ngajak panggih.

Kring, sora sms disada deui, “Dimana kénéh Kang ?”.

“Antos sakedap, nuju di POM, mésér heula bénsin !”Ngahaja ngabohong .

Geus aya kana sapuluh menitna, anger can kapanggih, gap kana henpun laju ditelepun, “Halow, halow “Manéhna ngahalowkeun, ngahaja teu di jawab, nyidik-nyidik heula nu ngangkat telepun.

Rét, kapeuntaseun jalan kaciri aya nu ngajanteng nyekelan henpun di tapelkeun kana ceulina, bari culang-cileung.

Haté can yakin manéhna nu ditéangan téh, ditelepun sakali deui, bener wé gening nu ditéangan téh manéhna.

 Saeunggeus sidik nu rék di tepungan téh kapangih, langsung nguliwed kapipir kios, laju di telepun deui, “Punten Nyi, rada lami siganamah, motor Akang kalahka mogok, ieu oge nuju di béngkél “Ribut méré alesan, saeungeus apal nu ngajak panggih téh awakna rubak jaba teu jangkung, coklat deuih kulitna, teu sarua jeung pangakuanana basa dina sms.

-TAMAT-

#SCS_CARPON_DS